Eanajuohkinriekti lea sierraduopmostuollu giehtaguššan dihtii áššiid dakkár opmodagaide maid lea váttis ávkkástallat ábolaš vuogi mielde. Eanajuohkinriekti lea sorjákeahttá. Dat galgá váfistit ja ovddidit riektesihkarvuođa ja gáhttet riekteservodaga. Eanajuohkinrievttis galgá álo leat alla luohttámuš servodagas.
Guđe váttisvuođaid sáhttá eanajuohkinriekti čoavdit
Rájáid ja riektediliid čielggadeapmi
Eahpečielga ráját ja riektedilit lea hirbmat dábálaš váttisvuohta mainna eanajuohkinriekti deaivida masá visot áššiin.
Dávjá háliidit eaiggádat dušše veahki nannet gokko opmodagaidgaskasaš rádjá manná, dahje guđe opmodatdilit gustojit dan dihto guovllus. Eanajuohkinláhka sisttisdoallá dákkár áššiide mearrádusaid.
Opmodagaid ja riektediliid nuppástuhttin
Muhtin háviid ii leat riektediliid čielggadeapmi doarvái čoavdit váttisvuođaid. Dalle soaitá dárbbašit nuppástuhttit opmodagaid, lonuhit vuoigatvuođaid, bidjat geavahanregeliid jna. Dát gohčoduvvo eanajuohkin, ja siskkilda daid máŋggalágan áššiid
Ovttastahtton áššit ja árvvošteapmi
Eanajuohkinášši oktavuođas sáhttá eanajuohkinriekti árvvoštit buhtadusmihtideami go lea bággolonisteapmi ja ráđđengáržžideamit. Dát áššit ovttastit eanajuohkima ja bággolonisteami váikkuhanomiid.
Gáibidit ášši
Buohkat guđet oamastit opmodaga dahje sis lea bistevaš geavahanvuoigatvuohta, ja guđiin lea váttisvuohta iežaset opmodagain, maid sáhtášii čoavdit eanajuohkinlága regeliid mielde, sáhttet gáibidit ášši eanajuohkinrievtti ovdii. Muhtin almmolaš eiseválddit sáhttet vel lassin gáibidit ášši vaikke ii leat eanaeaiggát dahje riektelaš.
Eanajuohkinriekti ii sáhte goassige bargat áššiin maid ieš lea vuolggahan. Áššái ferte leat gáibádus soapmásis guđes lea láhkavuođđu dan gáibidit, ovdal go eanajuohkinriekti sáhttá bargagoahtit áššiin.
Dás gávnnat gáibádusskovi.(word)
Dás gávnnat gáibádusskovi.(pdf)
Dás gávnnat bagadusa.
Áššemannu
Ovdamearka áššemanus oktan govaiguin
Áššemannu lea hui máŋggalágan go lea dan duohken makkár ášši dat lea.
Go lea nu stuorra erohus eanajuohkinrievtti áššiid sisdoalus ja viidodagas, de ii sáhte áššemannu ovdanbiddjot álkidis vuogi mielde. Dás leat geahččalan govvidit govaiguin áššemanu eará ovdamearkka. Eanajuohkinriekti sáhttá muitalit dárkilat áššemanu birra, jus áiggut gáibidit dahje leat gáibidan ášši eanajuohkinrievttis.